تدري يوم تغيب عني...!

السلام عليكم ورحمة الله وبركاته

جبتلكم مسجات ان شاء تنال رضاءكم

إستثيرني ،، علامك ساكت ..!
ليه يوم أحتاج [ سكّينك ] ،، تشّح إيديك ..؟
إطعنّي .. أنا محتاج ل جروحك ..
أطعن ولا تسأل ،، كافي ان الجرح يقدر يستفز الحرف فيني..
وأقدر إني أكسر الأصفاد من إيدي وأغني ،،
وابتعد عن ه الزنزانه المُملة ،، وآخذ حروفي و أسافر ..
وأتجه ل شمس وحدي ،، ما أبالي ب أي شي ..
مقتنع / كلي رضا .. إني لك وانت لي ..!

سكاكين البشر ،، تنهش قفاي وخاطري مفلوت..!
ولا اقدر اثني الشوفه لهم ،، والإذن ~ سماعة ~

أخاف ألقى أصدقاي ب وسطهم ،، والموت / كل الموت ،،
ألاقي ربعي التابوت ،، والأيام أوجاعه ..!

ساعة وأنا أكتب هنا وهناك واتعثّر ،،
احاول إني ب لحظة ،، اكسر سكاتي ..
إن قلت : أقدر على النسيان / ما أقدر..
أقسم ،، ك أنك إنخلقت جزء من ذاتي..

وينك،، سألني القلب عنك انت وينك ..؟
معقول ،، صار النوم ياخذك مني !

صرت احسده عشانه يسكن ب عينك ،،
وانت الوحيد اللي ب كله،، سكني

ب الصدر ضيقه عليك ،، وب النظر عتمه ..
ان غبت،، نور العيون يغيب ب غيابك ،،

اضيق من ضيقتك واحس في كتمه ..
هذا القليل الذي ،،يحدث من اسبابك ..!

يا كثر ناسٍ ،، تحاول تنتقص قدري ،،
تظهر لي الطيب وتخفي لي عداوتها ..!
هُم م اقدروا طعن صدري / واطعنوا ظهري ،،
ب سيوف غدرٍ ،، حشى ما احس طعنتها ..!
هم حاربوني / سبب طيبي ،، سبب طهري ،،
هم استغلّوا [ صفا نفسي ] وطيبتها ..
لابُد يجلي ظلام قلوبهم ~ فجري ~
والقصة اللي بدت ،، أعلن نهايتها ..!

أستنطق حروف الألم .. و [ أمضغك صمت ] ،،
وأطحن .. رحيقك .. وأسكبه في نطاقي
وأفسح .. طريق .. ل حضرتك .. لاتكلمت
لّن .. الحديث .. ب صحبتك ....شئ .. راقي ..!

هذا دمعي ،، اسكبه ،،
خله يبلل ريق نشف حبه واختفى
خله يحاكي ثناياك ،، هي مثلها دوني زواياك..؟
هي نفسها دروبي بلياك..؟
والسوالف هي نفسها ذيك السوالف,,؟
لا طلبتك .. بلل [ عروقي ] وسولف
وقتها ردك.. شسولف وانتي السوالف ..!
هذا انا الحين بعدك .. اختلف لوني وخايف
والدموع يا كثرها .. اغمرت ه الارض .. وانبتت [ ورد ميت ] ،،
شيلها يلا بإيدك ،، حسها كيف إتنافض ..
لا ناظرت عينك وشافت .. غيرها يقطف ثمارك....!

هذي جروحي تْحن.. جتني تناديه
لنّي أحبه ،، و [ أعشقه حيل ] واهواه
أن حدّ شافه ..ليت يسألْه: وش فيه؟!
يذكر فؤادي ؟! يعرفه ؟! او تناساه؟!

تمعن في تقاطيعك ،، وإنت احكم على
بدون قناع أبي تحكم على [ وجهٍ ] سكن ذاتك ..
خدعني همسك الكاذب ،، غمرني ب المطر صيفك..
وكنت أفرح ولا أعرف نهاية [ كذب ] همساتك ...!

اقول ل الشباك : مشتاق له حيل ،،
والريح تصرخ : بس .. لا عاد تطريه ..!
وابرك ب وجه الباب وحروفي تسيل ،،
ويصد عني يقول : للحين تبغيه ..؟
كم يوم مر وما بقي ب خافقي حيل ،،
[ ذبت انتظار ] وما اذبحتني سوى : ليه ؟
عديت فوق اسبوع والحزن إكليل
ولو مت .. [ وعدك لي ] .. لْ منهو توفّيه ..؟!

يمه البارح / سقطت / من السما ،،
حلم .. مادري علم ،، مادري ويش أقول ..؟
ماتعمدت التهالك ،، إنما ...
كنت في [ غيمه ] ،، وحاولت الهطول ..!

أنا يا حضرة الإستاذ آخر من مسيرة شهر ،،
وطن داخل وطن ،، داخل مبادىء حطمت حيلي

أنا يا حضرة الإستاذ ابحث عن مدينة [ فجر ] ،،
أحاول ألحق ب صوت السراب اللي ينادي لي ..

أنا غربة وله تسكن مع غربة وطن وغياب
أنا كل انكسار الكون .. ذابل بين جفنيني

زمن تافه بلا ذمَه ..تعلا في عراه أذناب
وانا بين الحيا والموت .. راسي مايدنيني

زمن فيه الوفا يسأل ويلقى له مية كذاب
غريبه ه القبور اللي تساومني على طيني

تعبت اسأل عن الخطوة ورجلي تلتفت ل الباب
تعبت آعزي المهموم وآنا من يعزيني ..؟

اعشقك اول وث2اني لين ،، ع10اشر ،،!
أعشقك واعشق حروف اسمك وظلّك ..!

وارسمك في نبض قلبي ك المآثر ،،
حيل [ أحبك ] مسكنك ،، قلبي محلّك

" تقضم روحي تكاليف الحب أثمانها باهظه
أبسطها البكاء و أعظمها الفقد
و قلبي وليمة دسمه لزوار لا يلبثون إلا قليلا
ولا يرحلون إلا بقطعة منه "

/
\

أحيان نندم من كلامٍ نقوله !
وأحيان نندم ( ليه .. نسكت عن القول )

الله يعين الحرف .. لحظة هطوله !
أنا أشهد أنه يكشف عقول .. وعقول

البارحه والليل يرخي سدوله .. !
من ضيقتي ناديت يارب لا حول !

..

لا صار حتى النوم عيّا يجيبك
وشلون أجل فالواقع المر بتجين !

..

الصمت أوجع من مدى زفرة البوح !
والبُعد أقسى من الظما .. لحاجة المي !
تدري وش اللي ينهك القلب والروح !؟
إنك تعيش ل " شي " عدّك .. " ولاشي " !

..

أكبر مصيبه طيحة إنسان حسّاس !
تسوى ب عيني موت كل الخليقه !

أكذب على نفسي إذا قلت " لابأس " !
و" البأس " أصلا ً من زهوري رحيقه !

والموت ماهو لا انحنى ل التعب/ راس !
الموت نفسك لانحنت / للخليقه !

..

كل ليله " ادفن " بصدري كلام
ما أقوله ما أبين ما أبوح

ادري لوقلته " بيوصلني " ملام
وادري لوشلته بقلبي مايروح

وادري " لوتدري " ببوحي ماتنام
لين تبرى بي بحضنك هالجروح

وادري لو ترضى"تشبعني" غرام
وادري لو تزعل تخليني وتروح

..

جد مالك حق .. تجرحني وتروح

ألحكي أخذ .. وعطا الله يهداك

من عرفتك .. ما عرفت الا الجروح

من بدايتها .. كذا تمسك معاك

..

إنكساره ...!
لو تبي .. قول إندثاره !
.. حزن أسود .. !
من يمينه .. // .. من يساره ..

آه .. والمسكين قلبه ..
في وهم .. هم الزمان ..
ينتظر قلبٍ يجي .. ياخذ ب ثاره .. !!
طاح حلمٍ كان يبنيه .. ف خياله .. !!
عزتي له ..!
حالته ياخوك ... حاله !!
لاتلومه ؟!
ضاع منه راس ماله !!

وش كثر يتعب .. وهو شايل ف قلبه ..
ضيم أصعب !!
مثل طفلٍ ... فارق امه ..
من يضمه ؟؟
من ال شتات .. منهو يلمه ؟؟!
أسمعه يصرخ ....:
أنا من وين أمشي ..
والسهر نايم ب رمشي ..
مسكين !!!

ما أقسى لحظات انكساره .. !
كل هذا .. وراح يبحث ..
ف الليالي .. عن نهاره .. !

..

بالصدر همّ يتناثر وبالقفا همّ ٍ يروع
ما قصَرت عنّه يمينك الحقتني به شمالك

..

ما عاد باقي ل [ دقة ] القلب
حاجه ..!
مدام .. اللي نعشقه .. فيه ما حس
خلَّه يموت القلب ما أبي علاجه
يمكن
بعد فرقاي
.. يستوعِب ..
الدرس
أجيه .. كلي شوق .. ودي .. نتواجه
ويجيني يرفض مبدأ .. ( الشوف ) .. واللمس
كني ( القمر ) والشمس حضرة .. مزاجه
لأن القمر صعب ي تلاقى مع .. [ الشمس ]

..

من جد متعب هالزمن .. كل مافيه
لاهو فهم حالي .. ولا ني فهمته

..

تدري يوم تغيب عني" يختلط همي بظني "
أشعر [ بضيق وكآبه ]
كنه شي وضاع مني"
شوف كيف الورد يذبل "
والقمر يبعد ويرحل !
وتتغير كل حاجه"
لما أنت شوي ترحل"

..

كأنك نويت أفراق لا تحطني لوم
قلها صريحه لا تكثّر معاذير
لا تكثر أعذارك ترى الوضع مفهوم
قلبك سمح وعلومك ألبارحه غير
رّوّح ولا تجرحني بهرج مسموم
ما عاد أبي لك أي عذر ٍ وتبرير
لا انته بملزوم ٍ ولأني بملزوم
ولا انته
بأول من طرى فيه تغيير

..

بعض الجمل .. إعرابها ، مالها إعراب !
وبعض النفوس ثقال .. لوهي رقيقه

..

ليه تحزن ياعمري والضياع إمخلوف ؟!
( شوفني مبتسم والدون تكوي كوي )
لأن عندي درايه في الزمن ومعروف
السّوي , إللّي يسبّه شخص ماهو سوي !!
تدري ليه أتبسّم لاشتموني ضعوف ؟
لأن شتم الضعوف , يدل إنّي قوي !!

..

عشرة المصلحه
دايم قصيره ..
ان مشت .. يوم ثاني ../ وقّفت ..

..

صاحبي خذها نصيحه .. لا تحب !!
وان تمرد بك خفوقك .. لا تبوح !!

..

بالصدر همّ يتناثر وبالقفا همّ ٍ يروع
ما قصَرت عنّه يمينك الحقتني به شمالك

م/ن

زائر

ساعة وأنا أكتب هنا وهناك واتعثّر ،،
احاول إني ب لحظة ،، اكسر سكاتي ..
إن قلت : أقدر على النسيان / ما أقدر..
أقسم ،، ك أنك إنخلقت جزء من ذاتي..

تسلمي القمر
مسجااااااات روعــة
يسلم الذوق الغالي

ربي يسلمك فارسة

والف شكر لى مرورك العطر

ما عاد باقي ل [ دقة ] القلب
حاجه ..!
مدام .. اللي نعشقه .. فيه ما حس
خلَّه يموت القلب ما أبي علاجه
يمكن
بعد فرقاي
.. يستوعِب ..
الدرس
أجيه .. كلي شوق .. ودي .. نتواجه
ويجيني يرفض مبدأ .. ( الشوف ) .. واللمس
كني ( القمر ) والشمس حضرة .. مزاجه
لأن القمر صعب ي تلاقى مع .. [ الشمس ]

يسلمو القمر رووعة
تحياتي

الله يسلمك خالد

وتسلم على تواصلك