يمر الوقت يا خلـي وأنـا بترقّـب خْطوفـك
*******يبشّر ناظري شوفك وتجمـع باقـي أوراقـي
غياهيب الدهر جارت وأنا متعلـق احروفـك
*******متى ترحل بك الهمه تسلي النفس وأشواقـي؟
إذا الذكرى تراودني وعيني تحتـري شوفـك
*******يا كيف أصبر وأنا حاني وفيني قلب مشتاقي؟!
وإذا بتجاهل إحساسي وخوفي خايف ٍ خوفـك
*******متى اللحظة بتسعدني بشوفك تبشر أحداقـي؟
أبا أسري صوبك وأحزم متاعي وأنتجي جوفك
*******وأريّح شوقي بوصلك وأدلـل قلبـك الساقـي
وألامس بالحلى قلبك وكفي يحضـن كفوفـك
*******يسلي خاطري قربك.. يطفي الشوق بأعماقي
وأذوق الشهد والزمزم ونرجس طيفك بروفك
*******وأحطك في مدار العين وأشوفك لحظة أبراقي
أنا المشتاق يا خلي وشفي عاشـق شْفوفـك
*******وعنك ما قدر ساعة ولا قلبـي بعـد طاقـي
وإذا دار الوقت لحظه وأنا بتذكـر وصوفـك
*******أطيب فلحظة إحساسي وجوي رايـق ٍ راقـي
عسى يا مهجة فوادي تداوي قلـب محبوبـك
*******تخف الوجد من روحي ونورك يطوي أشواقي
الشاعر
جاسم الحجري
موضوع: إحساســــــــــــي..... 
الأربعاء يونيو 04, 2008 2:30 pm
