يمكن تحس اني مع البعـد ناسيـك
------لكن تأكـد .. مـا نسيتـك ثوانـي
لا مر طيفك قمت اهوجس واحاكيك
------واشكي لى طيفك كثر ماهو شكانـي
واتذكر اشيائـك .. واردد اغانيـك
------وابكي اذا حسيـت حظـي رمانـي
واحمّل النسمـات طيـف ٍ يناجيـك
------واطلق مع ذكرااااك صهوة عنانـي
واحسّ تتسأل عن احـوال مغليـك
------واجاوبك ..تذكر مكانـي! مكانـي!!
وتقول: لي وشفيك؟ واقول: وشفيك !
------وشلون ما تبغى بعدهـا اعااانـي!
وتقول: لي طيفـي تركتـه يداريـك
------واقـول: طيفـك للمهالـك حدانـي
وتقول: لي تبكي! وانا اللي موصيك
------واقول: لك تبغـى ازف ّ التهانـي!!
صرت اتجرع مرّ مـن دون حاليـك
------واكتب على الفرقا قصيـد واغانـي
لا جيت ابكتب مـدح لازم اطريـك!
------ولا جيت ابكتب حب مالحب هانـي
صرت اكتب الفرقا بفحـوة معانيـك
------واطلع مع فرقاي بأصـدق معانـي!
واسامر النجمة وانا اقـول : لبيـك
------اسمع وحيـك.. ولا اكـذب اذانـي
وانته بعيد ٍ مـا وصلنـا اراضيـك
------الا انك اقرب من صفوف المحانـي
ولاجابو اسمك جيت كني معاديـك!
------عشان مسمع قول خلّـي نسانـي !
والا انت وافي والوفـا مـا يخليـك
------والطيب بصلك ما خفـاك وخفانـي
لذا .. تصبّر والصبر فـي معاليـك
------يهون .. يوم ٍ قلت : تكفى عشاني!
الشاعر
سعد مسهوج العلاطي
موضوع: تكفي عشانــي......... 
الخميس يونيو 05, 2008 5:56 pm
