ليت العمر يهدى .. أبهديك عمـري
-----------تستاهـل الايـام يـا زهـو الايـام
لو الهوى المحبوس في جوف صدري
-----------يظهر على العالم غشى العالم هيـام
فيني غرام فـوق محمـول صبـري
-----------و فيني خيال فوق تصويـر الاحـلام
صباحي اسرحلك و في ليلي اسـري
-----------و إلى هجع فكري خفوق الهوى قـام
و الله مالي غيـر الأشـواق عـذر
-----------و اللي عرف شوق المواليف مـا لام
يا من يبيع الصبر يا ناس و اشـري
-----------محتاج كل الصبر و اصخي بالاقيـام
يا مالك امري وش نوايـاك بامـري
-----------ارحم خفوق عن هوى غيركم صـام
حالي غدى مثل المساويـك مبـري
-----------يا باري حالي تـرى البعـد ظـلام
أدري بحالك و انت بالحـال تـدري
-----------ياالله عسى ذا العام أحسن من العـام
الشاعر
الأمير خالد الفيصل
موضوع: ليت العمـر يهــدي ............... 
الإثنين يونيو 09, 2008 12:33 pm
