يقولون لي سيبه تلاقي مثيلـه جـم
............وقلبي يقول لي لا تسيبه ترى تنـدم
انا اتبع هوى قلبي واترك كلام الناس
............كذب لي يقولون المحبه لها مقياس
احبه محبه من زمان الصبا و اقـدم
............احبه محبه جاريه في مجاري الـدم
احبه بكل مافيه من عاطفه واحساس
............كذب لي يقولون المحبه لها مقياس
باعيش بين ايديه يظلمني او يرحـم
............في اليد ذا سقمي وفي اليد ذا المرهم
اذا مامسح بيده عليّ يـزول البـاس
............كذب لي يقولون المحبه لها مقياس
ولازلت له عاشق ولازلت به مغـرم
............ونيران حبه لم تزل في الحشا تضرم
وترحق شراييني وقلبي ولا نا حاس
.............كذب لي يقولون المحبه لها مقياس
الشاعر
حسين المحضار
موضوع: يقولون لي سيبـه .............. 
الإثنين يونيو 09, 2008 4:58 pm
