إلـى صفالـي زمانـي بـك
****فما فوق كل التـراب تـراب
يوم انتشي من نشـا طيبـك
****أشوف مجمل عداي اصحاب
وان اشتغل بي خفـا غيبـك
****كني ملكت العـرب بكتـاب
أنـا وقلـبـي معازيـبـك
****ما دام جرح الغلا مـا طـاب
بعيـد واسعـى بتقريـبـك
****أبيـك تستوطـن الالـبـاب
والدمعـه أغلـى مناديبـك
****ما ظن طاحت بدون اسبـاب
كلمـة غـلا فـي مكاتيبـك
****مفادهـا ان الهـوى غـلاب
اسهر بليلـي وأغنـي بـك
****اما غلا أو يكـون اعجـاب
واوقف بطولي وهلّـي بـك
****قصور الغلا ما عليها بـاب
اناظـر العيـن وادري بـك
****غايب وتنشد عـن الغيّـاب
أفخر بحبـك وامـاري بـك
****لأهل الهوى ما حسبت حساب
الشاعر
الأمير عبد العزيز بن سعود
موضوع: أهــل الهـــــــــــوى ... 
الأربعاء يونيو 25, 2008 8:03 pm
