وش هو يعني لو تشاركنا النَفَـس
..........وشالـذي يمنعنـا نلهثهـا سـوى
أشهق وتِزفـر هوانـا المُحتبـس
..........لين تتراقص عروقي في الهـوى
خذني لحظة شوق في ثوب العرس
..........أو غصن توه نمـا تـوا ارتـوى
يكبر وكلما كبـر فينـي أنغـرس
..........يجرح بجوفي وهو نفسه الـدوى
خذني انسانـه بغيـرك ماتحـس
..........خـذ قليبـن لا طريتـه أنكـوى
من عيونك فـي نوايـاه ألتبـس
..........ضايع بحسبة رموشـك والنـوى
خذ شتات الروح في هذه النفـس
..........خذ كلام الحـب فـوق المستـوى
خذني نجمه ترتقب تلقى الشمـس
..........أوقمر في ليلتك يضـوي ضـوى
أو مشاعر من جفونـك تحتـرس
..........خوفها من غمضة الجفن استـوى
خذني كلمه بالخجل تهمس همـس
..........أو شعر حطـم حـدود المحتـوى
الشاعرة
بنت المرخى
موضوع: تِــشاركنا النَــفَــس ......... 
الثلاثاء يوليو 01, 2008 7:09 pm
