أتردد للمكان اللـي انـت فيـه *
***** كن فاقد شي فـي ذاك المكـان
أتعذر باي شـي واسـأل عليـه *
*****والوله في نظرة عيونـي يبـان
إن سئلت أقول لي شـي وأبيـه *
*****بس مدري وين في ذا الركن كان
غالي الاثمان .. يبشر من لقيـه *
*****ضاع مني ضاع والدنيـا أمـان
ان عزمت أشرح غرامي وابتديه *
***** وانتقي أحلى عبـارات الحنـان
شفت عينك تعصر بقلبي وحكيه *
*****وأنسى كل اللي جمعته من زمان
كيف أقاوم ومش به كبـر وتيـه *
*****كيف أوضح ما يطاوعني اللسان
تلعب بقلبي وقلبـي انـت فيـه *
*****مثل لعب العاصفـه بالخيـزران
آه لو تـدري بجـرح أشتكيـه *
*****في خفايا الروح حبك لـه كيـان
أعشقك واللي عشق وش في يديه *
*****يصبح بهم ويمسي فـي هـوان
الشاعر
سالم سيف الخالدي
موضوع: أتـردّد للمكـــان.. 
الأربعاء مايو 07, 2008 7:45 pm
